Um Mimi
Mimi bækurnar komu fyrst út árið 2013 þegar Hanna Kristín Skaftadóttir stóð frammi fyrir þeirri áskorun að yngri sonur hennar glímdi við sértæka málhömlun. Hanna Kristín sökkti sér í lestur fræðigreina um málhamlanir og tileinkaði sér aðferð sem kallast tákn með tali (TMT), sem er tjáskiptaaðferð sem var upphaflega þróuð fyrir börn með málþroskaröskun. Í kjölfar útgáfu fyrstu bókanna fór Hanna Kristín í nám í málvísindum og þroskasálfræði barna við Stanford háskóla í Bandaríkjunum sem hún nýtti til að þróa aðferðina frekar. Gefnar voru út sjö bækur á níu mánuðum og hafa þær notið mikilla vinsælda meðal aðstandenda og fagfólks.
Í maí 2020 komu út fjórar nýjar bækur um Mimi og félaga og í apríl 2026 kom út nýtt grunnnámskeið í tákn með tali fyrir aðstandendur. Sambærilegt námskeið fyrir fagfólk sem starfar með ungum börnum er ávallt í boði eftir pöntunum.
Teymið
Dr. hanna kristín skaftadóttir, stofnandi
Dr. Hanna Kristín Skaftadóttir er sérfræðingur í tákn með tali (TMT) og hefur kennt TMT í leikskólum um allt land í yfir 13 ár. Hún hlaut menntun í málvísindum og þroskasálfræði barna frá Stanford háskóla. Hanna Kristín stofnaði Mimi Saga árið 2012 þegar sonur hennar greindist með sértæka málhömlun og hún leitaði leiða til að hjálpa honum og öðrum börnum í sömu stöðu. Síðan þá hafa þúsundir barna og starfsmanna leikskóla notið þjálfunar og efnis frá Mimi Sögu. Hanna Kristín er einnig með Ph.D. í viðskiptafræði frá Háskóla Íslands og Msc. í endurskoðun.
benedikt bjarni melsted
Benedikt er nemandi við Verzlunarskóla Íslands og byrjaði að taka námskeið hjá Myndlistaskólanum í Reykjavík á leikskólaaldri. Myndasöguteikningar og persónusköpun hefur verið helsta áhugasvið Benedikts í nokkur ár. Hann hefur skrifað og teiknað þó nokkurn fjölda myndasagna, sem þykja mjög fyndnar og fjalla oftar en ekki um ofurhetjur.
mikael björn melsted
Mikael er nemandi í Hagaskóla. Upphafleg persóna Mimi byggir á honum þar sem nafn persónunnar er dregið af nafni Mikaels : Mi + Mi. Líkt og bróðir sinn hefur Mikael mjög gaman af því að teikna en er þó meira í því að lita teikningar bróður síns.